O pasado venres e despois de estar agardando por este día dous anos, o alumnado de CEP Altamira participou dunha das celebracións típicas da nosa cultura galega, o magosto. Nesta cita xuntáronse os alumnos do noso centro, iso si, respectando as burbullas de nivel, para realizar a recollida do bullo co que facer a fogueira, xogos libres e populares e posteriormente a degustación das nosas castañas asadas, nas que debemos agradecer a inestimable axuda da ANPA do noso centro xa que foron elas as que nolas asaron. A volta ao colexio fixémola andando a través dos camiños que conectan o monte da nosa contorna coa nosa vila.
Con esta actividade pretendeuse dinamizar o uso da lingua galega na infancia a través do xogo e das iniciativas en equipo, promover as festas populares e poñer en valor a contorna natural.
Aquí vos deixamos un vídeo recompilatorio. Grazas a todos!!!
Comentarios
Publicar un comentario